Sidrocoles'13-14

Sidrocoles

VER VIDIU

LA SIDRA lleva a la escuela los conocimientos básicos de tou llagareru, al traviés de dos cencielles actividaes qu’averen a la reciella a la cultura sidrera.
La idega ye facer participar a los neños nel procesu d’ellaboración de la sidre, daqué que tradicionalmente veíen na so propia casa pero qu’anguañu, sobro too en ciudaes, munchos rapacinos nun puen ver en direutu.

Venceyao a estes actividaes, espublizaráse un reportaxe en LA SIDRA , onde recoyeremos la experiencia, con un ampliu seguimiento fotográficu (siempres que cuntemos con autorización) tamién na nuesa páxina ueb,
Ellí, tecleando la pallabra “Sidrocole” podeis tamién echar una güeyada a los sidrocoles d’años anteriores.

Mayada

Visita al llagar

Sidrocole de Primavera

Facémosla nel mesmu colexu, colos mayos, la mayaora mecánica y la prensa, deprendemos a facer sidre’l duernu que dempués esfrutamos xuntos y ufiertamos al restu de la comunidá educativa.

Acompangamos a los neños y neñes nuna interesante visita a un llagar que te mayando.Asina veremos la mazana apinada, los llavaeros, les prenses furrulando … sedrá el mesmu llagareru el que mos guíe nesti percorríu.

Ver más

Como novedá esti añu proponemos los Sidrocoles de Primavera, una perguapa y orixinal actividá que se desendolcará nesa estación y que tendrá un conteníu principalmente artísticu, ensin escaecer el natural.