Casa Valdorta, nueu chigre en Xixón

El barriu xixonés de Nueu Roces cunta con un nueu chigre, Casa Valdorta.

El llocal, rexentáu por Óscar Gavino, con una amplísima esperiencia nel seutor hosteleru, apuesta por una cocina tradicional, casera y de calidá, na que les raciones tienen un papel protagonista como bon chigre que se precie, pudiendo degustar una amplísima variedá, dende les más clásiques como calamares fritos o corquetes a delles más ellaboraes como fayuelos de matachana con compota, pastel de pulpu, cruxentes de pitu a la miel o les sos esquisites llárimes de gochu ibéricu.

Sabeores de que ca vuelta son más les presones que xinten fuera casa, quien ufrir una cocina na que los platos típicos de cuyar tean siempres presentes ente les opciones propuestes. Amás, la so ufierta complétase con ensalaes, revueltos, cachopos d’estremaos rellenos, llamando l’atención el de Provolone y tomate natural; y carnes de toa triba.

El secretu de Casa Valdorta, que nun preslla dengún díi pa folgar y que cunta con una espectacular terraza cubierta, ta nel so tratu al veceru y al productu, incluyendo, por supuestu, la sidre, pudiendo escoyer ente Menéndez, la so DOP Val d’Ornón o Llagar de Quintana. Al tar asitiada nun barriu nueu con muncha xente mozo “sabemos que van ser unos veceros desixentes, polo que vamos faer por que s’afayen y tornen”.