Deseyos y proyeutos de Sidra Alonso y Podemos Asturies

Seguimos faciéndovos llegar lo que quien pal seutor sidreru diferentes actores de la sidre nesti 2017

LA SIDRA.- Javier Díaz de Sidra Alonso: “Que nes campañes publicitaries de la sidre natural se abarque tol consumu de sidre, no solo la sidre DOP, porque paez que namás se bebe esi tipu de sidre cuando ye tolo contrario, y amás paez que los que tamos fuera facemos un productu de duldosa procedencia, cuandonel nuesu casu utilizamos siempres mazana 100% asturiana.  Amás d’esto, que la sidre venga d’igual o más calidá qu’esti año que pasemos. Y en cuantes a proyeutos, caltendremos lo que tenemos, siempres col oxetivo de xorrecer y damos a conocer daquémás, que nos tiempos que cuerren ye abondo. Amás habrá daqué sospresa que pronto daremos a conocer a los nuesos veceros”

Paula Valero, diputada de Podemos Asturies: “El sector sidreru asturianu tá necesitáu d’unes midides práctiques empobinaes a fortalecer les  potencialidaes d’un sector fundamental pa la economía asturiana. Amás, ye necesario que la sidra asturiana tien que ser reconocida como un valor del patrimoniu asturianu ente los actuales y futuros consumidores, tanto de dientro como de fuera del nuestru territoriu. Y en cuanto a próximos proyectos la diputada explicó a este medio: “Dende Podemos Asturies siguimos trabayando y insistiendo, tanto dende’l Parlamentu asturianu como dende’l Congresu de los diputaos, en meyorar l’accesu al Muséu de la Sidra de Nava, una reclamación histórica de les voceres de Nava, y que consideramos imprescindible. El Muséu de la Sidra ye un equipamientu de primer orde y ún de los principales atractivos turísticos de la zona, pero nun cuenta con una señalización afayadiza na A-64. La colocación d’esta señalización diba contribuir  a meyorar la promoción del equipamientu, favoreciendo d’esta manera, una xuba del númeru de visitantes. Amás, esto nun solo diba valir pa marcar un puntu turísticu, sinon una zona entera que ta directamente rellacionada col sistema productivu alredor de la mazana y de la sidra”.