El Sidroturismo ca vegada más presente

El valor turísticu de la sidre asturiano ye daqué que munchos llagares supieron aprofitar, ufiertando esperiencies qu’inclúin visites guiaes y espiches asturianes.

LA SIDRA.- Va dellos años que munchos de los grandes llagares asturianos, con gran pesu nel mercáu sidreru, escomenzaron acollumbrar un mercáu bien distintu al dedicáu a la sidre, la so distribución y comercialización, y que nun tenía tantu que ver col productu en sígo comu col contestu nel que s’ellabora.

Yeren los primeros pasos del sidroturismo, una opción que ca vegada tien más pesu en munches families o grupos d’amigos que deciden conocer Asturies dende dientru. Y qué meyor forma hai que dende un llagar o una pumarada. El valor turísticu de la sidre asturiano ta en puxanza y yá son abondes les empreses sidreres que s’amiesten a esta ufierta. Castañón, Piñera, Cortina, Fran… son solo dellos de los llagares, que tán más que preparaos pa una completa visita peles sos istalaciones. Amás, cuenten con una bona ufierta que, munches vegaes, consta d’una visita guiada poles instalaciones del llagar y les pumaraes de la fastera y una espicha típica asturiana, con tapes de la nuesa cocina y sidre, pa terminar la xornada.

En dellos llagares inclusive ufierten esperiencies DOP, pa conocer de cerca cómu s’ellabora la sidre acoyíoa la DOP Sidra d’Asturies. Asina, los llagares tán viendo qu’esta forma de comerciu apurre un prestixu estra al so productu y avera al visitante a la sidre y la so sencia, un intercambiu d’intereses perfechu que se traduz en tou unu enclín dientru’l turismu asturianu.

sidre, sidra, sidro, cider, cidre, sagardoa, Apfelwein, Píngguǒ jiǔ, cidro, siideri, seidr, leann úll, Saidā, sider, jablečné víno, jabłecznik, sydr