UNESCO: Cronoloxía del desenfotu del “Principado”

Pesia les munches promeses feches dende el “Principado”, respeutu a la candidatura de la Cultura Asturiana de la Sidre como Padremuñu Inmaterial de la Humanidá, lo cierto ye que nestos cuasique diez años práuticamente nun fixeron un res.

CRONOLOXÍA

2009 L’hestoriaor Luis Benito García, de la man de la esaniciada Asociación de Llagareros Asturianos propón-y esta posibilidá al entós Conseyeru de Mediu Rural Aurelio Martín, llegando a un alcuerdu y entamando la primer fase cola rialización pel so llau del estudiu Sidra y manzana en Asturias. Sociabilidad, producción y consumo (de 1936 a la actualidad), que finó en 2011, interrumpiéndose tol procesu.

2013. El “Principado” decide retomar los trabayos topándose que la Direición Xeneral de Padremuñu nun tenía anuncia de la propuesta, pesia que los responsables del “Principado” na dómina que tuvo vixente’l proyeutu, foron informaos puntalmente y afirmaben tenelo too baxo control. Ello desixó rializar urxentemente l’espediente de Bien d’Interés Cultural, ya informar al Conseyu Hestóricu de Padremuñu Español de la pretensión de presentar la candidatura énte’l muerganismu internacional.

2014 El proyeutu quedó arrequexáu fasta febreru d’esti añu, teniendo que procedese a rializar no que quedaba d’añu, el llibru que requier el Conseyu, los trabayos pal documental de presentación de la candidatura y la esbilla d’imáxenes que tien d’acompangala. N’avientu de 2014 el “Principado” torna a desdexar la candidatura.

2018. Abril. La Conseyería de Desendolcu Rural presenta un llogotipu de Sofitu a la candidatura de la Cultura Sidrera Asturiana, ensin dengún conteníu oficial, y entama contautos pa costituyir un Comité Direutor y otru Científicu, ensin llegar a concretar nin ún nin otru.
Xunetu. FORO propón oficialmente al “Principado” la presentación de la candidatura de la sidra a la Unesco

MÁS INFO UNESCO