Floriamientu del pumar na Contorna de la Sidre

La Contorna de la Sidre prepárase para dar la bienvenida a la primavera con ún de los eventos más atractivos de Asturies, la Selmana del Floriamientu del Pumar. Esti maraviyosu espectáculu natural, que tiñe los pumares colos colores rosa y blancu de los sos pétalos, va ser una delicia pa los sentíos los díis 27 y 28 d’abril.

LA SIDRA.- A lo llargo de dos intenses xornaes, los seyes conceyos sidreros asturianos de Bimenes, Cabranes, Colunga, Nava, Sariegu y Villaviciosa van ufiertar un completu programa d’actividaes p’atrayer a cientos de visitantes demientres la postrer fin de selmana d’abril. Con éses podrá pasiase ente pumares en flor interpretando la naturaleza alredior de les pumaradas, ellaborar xoyes sidreres en tierres xurásiques, asina como xabones con sencia de mazana, o pelegrinar fasta un llagar p’afayar toles peculiaridaes de la cultura sidrera asturiana.

Pa complementar la esperiencia, numberosos restoranes de la Contorna van ufiertar menús especiales cola mazana y la sidre como protagonistes. Los comensales van poder tastiar platos principales tan interesantes como les carrilleres en redución de sidre, o’l ceviche de llagostinos con mazana, al igual que dulces postres como’l picatoste carambelizáu con sorbete de sidre, o la Mazana rellena d’arroz con llechi, ente otros. Too ello acompangao por Sidre con Denominación d’Orixe Protexida “Sidre d’Asturies”. Siendo de la mesma complementao ello polos descuentos especiales na visita que van ufiertar dellos museos y centros espositivos de la Contorna a los comensales d’estos menús sidreros”.

Destacar como novedá d’esti añu, la integración del Floriamientu de el Pumar dientru del clú “España en Floriamientu”. Una iniciativa financiada al traviés del Plan de Recuperanza, Tresformamientu y Resiliencia del Gobiernu d’España y que pretende fomentar y poner en valor les esperiencies rellacionaes col turismu agroalimentariu y floral. Como ye’l casu de la Contorna de la Sidre que lleva executando dende fai 15 años el so floriamientu, y que con esti proyeutu agora va compartir espaciu promocional con otres del territoriu nacional como son les de la llavanda de Brihuega (C. Llión); la del xirasol en Carmona (Andalucía), o la de la zrezal del Jerte (Estremadura), ente otres.

Pa dar a conocer esti completu programa d’actividaes axuntaron el pasáu vienres, nuna preciosa pumarada en flor del conceyu de Nava, los distintos Alcaldes de la Contorna de la Sidre, encabezaos pol Presidente de la entidá, Juan Antonio González, amás de responsables del Conseyu Regulador de Denominación de Origen “Sidre d’Asturies”, de la Cooperativa Campoastur, del Serviciu Rexonal d’Investigación y Desendolcu Agroalimentario (Serida). Amás de Begoña López, Directora Xeneral d’Agricultura, Agroindustria y Desendolcu Rural del Principáu de Asturies.

Esti eventu cunta cola collaboración de distintos organismos y entidaes pal so desendolcu, ente les que destaquen el Conseyu Regulador de Denominación de Orixe “Sidre d’Asturies”, la Cooperativa Campoastur, el Muséu del Xurásicu d’Asturies, o’l Club Turísticu “España en Floriamientu”, ente otros.

Pa inscribise nes visites y llograr más información pue aportase a la web www.lacomarcadelasidra.com