El Muséu de la Sidre de Nava programa una esposición de semeyes y una charra sobro la importancia de la polinización de los pumares.
LA SIDRA.- El Muséu de la Sidre de Nava alluga dende’l pasáu 28 d’abril y fasta’l 31 de marzu la esposición de semeyes “Vida na flor del pumar” siendo gratuitu l’acesu a la mesma.
Esta esposición forma parte del proyéutu de divulgación IPOMA basáu na semeya d’identificación de potenciales polinizaores del pumar y ta rializada conxuntamente poles asociaciones ADAPAS (Asociación pa la defensa de les abeyes d’Asturies) y Biodiversidá Virtual.
Asina mesmo, y nel marcu d’esta esposición, el prósimu miércoles 18 de mayu, a les 18 hores, impartiráse una charra sobro la importancia de los polinizaores a cargu de les asociaciones entamaores.
