Novedaes pal XIII SISGA

La décimo tercer edición del Salón Internacional de les Sidres de Gala –SISGA- presenta importantes novedades esti añu.

LA SIDRA.- El Salón Internacional de les Sidres de Gala –XIII SISGA- va a más, a l’avezada programación del eventu, esti añu hai qu’amesta-y una riestra novedaes.

• Programación pre y post congresu. Como quiera que son munchos los participantes nel SISGA qu’aprofiten la so estancia n’Asturies pa conocer meyor el nuesu país –y la nuesa sidre, por supuestu- la organización ufrirá esti añu un serviciu d’orientación pa los mesmos, con propuestes concretes como pue ser la ruta’l quesu y la sidre, la de sidreríes, o la visita a llagares y pumaraes; y otres en función de los intereses que sopelexen los participantes nel SISGA, trátase, a lo cabero, de faer más completa y provechosa la so estancia n’Asturies
• Esperiencia gastronómica ‘Saborgu a llagar’. La nuechi del xueves 28 setiembre, ufriráse a los participantes nel SISGA una esperiencia gastronómica de pi¡rimer orde, na que con estremaos platos y harmonizaciones con sidre, quierse tresportar a los llugares nos que ñaz la sencia de la sidre: los llagares.
• Costitución de la Rede Europea de Ciudaes de la Sidre.- La mañana del vienres 29 septiembre tendrá llugar, el Ayuntamientu Xixón, la firma del protocolu d’adhesión a la Rede Europea de Ciudaes de la Sidre, na que participarán estremaes representaciones de conceyos: asturianes, españoles, portugueses, franceses, italianes, cheques…
• Presentación de Sidre Xaponesa.- La tarde del vienres 29 desendolcaráse nel Muséu de la Sidre de Nava una charra/degustacón de sidre xaponesa, de la man de los llagares xaponeses participantes, a la que seguirá una visita guiada per dichu muséu.
• Espicha en Nava.- Una nueva espicha dientru la programación del SISGA, que tendrá llugar nesta ocasión nun llagar navetu.
• Tastia Abierta al Públicu.- Esti añu rializaráse nes istalaciones de la Feria Muestres d’Asturies, n’horariu de 12 a 15 hores y de 17 a 20 hores, y na mesma, arriendes de poder degustar les sidres participantes nesti XIII SISGA, tamiénpodrá alquirise’l productu direutamente a los propios ellaboraores.

Como pue vese, trátase d’una auténtica avenida de novedaes, que probablemente s’incremente con delles otres que tan tresnándose, y ente les qu’ensin dubia destaca pola so proyeición internacional y el so desendolcu nel tiempu, l’aniciu de la Rede Europea de Ciudaes de la Sidre, actu que tará presidíu pola propia alcaldesa de Xixón, Sra. Carmen Moriyón

Pa recibir el PDF de la revista LA SIDRA y preciso tar dau/da d’alta nel whatsapp de LA SIDRA