Introdución a la cultura sidrera; práutiques del Principiu 7 de la Xixonomía

Actividá nel Pabellón de Xixón de la Feria Muestres. Miércoles 16 d’agostu de 2023

LA SIDRA.- La cultura sidrera, tan presente na Xixonomía, cellebra’l so díi grande en FIDMA el prósimu miércoles 16 d’agostu. Esta introducción práutica va sirvir para potenciar distintos mensaxes y sinerxes ente turismu y mundu sidreru: los valores del Principiu 7 de Xixonomía, la sidre como motor económicu diferencial n’Asturies, una futura integración de la ufierta de sidreríes na Visita Xixón Card, la potencialidá del turismu d’esperiencies (talleres d’echáu), la DOP Sidre d’Asturies como garantía de calidá, la candidatura de la sidre como Padremuñu Mundial Inmaterial de la Unesco, etc. L’eventu sirve de preludiu a la cellebración en Xixón de la Fiesta de la Sidre Natural, declarada d’Interés Turísticu Rexonal, que se va cellebrar ente’l 19 y el 27 d’agostu. Amás d’un actu institucional, va cuntar cola participación d’echadores que van desplicar los secretos d’esti arte con sidre DOP Menéndez, pa depués enseñar a tou aquel visitante de FIDMA que quiera deprender mentes dure l’eventu

Llistáu d’ Echaores:

• – Wilkin Aquiles (Sidrería Avenida): Escoyíu Meyor Echaor del Mundiu en 2020 y 2023. Tricampión d’Asturies. Participante en ‘Got Talent’, onde echó seyes culinos de cien milillitros esactos “a güeyu”.

   

  – Emilio Rubio (La Montera Picona de Ramón):

  Xerente de La Montera Picona de Ramón, establecimientu escoyíu como embaxador de Cocina de Paisaxe del Principáu. Collabora viviegamente con iniciatives como Xixón de Sidre o Sidraturismo. La Montera tien el sellu Calidá Turística del Conceyu Xixón. Participa na Ruta la Sidrw, y ye miembru de la marca Sidreríes d’Asturies. Ta disponible na web reservagijon.es.

   

  –  Alejandra Vanegas (La Montera Picona de Ramón):

  Meyor echaora ‘Xixón de Sidra 2022’. Imparte talleres d’echar sidre pa tolos niveles y compite nel circuitu del Campionatu d’Echaores.

   

  –  Jorge Vargas (La Montera Picona de Ramón)

  Atropa trés victories nel Campionatu d’Echaores d’esti añu. Vargas ye yá ún de los espertos d’esta competición, na que concursa dende fai una década y de la que yá se proclamó campión en 2015.

   

  – Laura Ovín

  Xuráu nel Concursu d’Echaores. Imparte talleres d’echar sidre. Primer muyer en ganar el Concursu d’Echaores de Nava y campiona d’Asturies nel añu 2000.

•  

Para recibir el PDF de la revista LA SIDRA es preciso estar dado/a de alta en el whatsapp de LA SIDRA