Aconceyamientu d’Asociaciones Sidreres

Güei, sábadu 6 d’abril  va realizase en Nava un aconceyamientu d’Asociaciones / Entidaes venceyaes a la Sidrw Casero d’Asturies

LA SIDRA.- De magar les 10 de la mañana, nel Muséu de la Sidre d’Asturies, asitiáu en Nava, va tener llugar una xunta ente Asociaciones / Entidaes venceyaes a la Sidre Casero de Asturies coles mires de crear una Federación de les mesmes.

Trátase d’un procesu empecipiáu yá en 2022 a iniciativa del Clú Sierense d’Amigos de la Mazana –CSAM-, que plantegó la necesidá de reorganizar toles iniciatives esistentes anguañu, col oxetu de repensales, entamales y retroalimentales, nun procesu abiertu a la participación de toles persones y organizaciones que viven y sienten esi aspeutu fundamental de la cultura asturiana de la sidre.

L’orde del díi de los asuntos a tratar na xunta va ser el siguiente:

• 1.- Iguar la llista de les Asociaciones asistentes
• 2.- Estáu individual de ca Asociación a los efeutos de cumplimientu documental de los requisitos d’inscripción nel rexistru d’Asociaciones
• 3.- Constitución de l’Asamblea y formación de la mesa
• 4.- Alderique de Creación de la Federación Asturiana d’Asociaciones de la Sidre Casero
  •  –  Intervención de caúna de les Asociaciones presentes y esposición de la so posición
  • –   Decisión individual d’integración o non na Federación
  • –   Posición del restu d’Asociaciones y posibilidaes d’integración futura
• 5.- Constitución de l’Asamblea constituyente coles Asociaciones que puedan y quieran integrase primeramente na Federación
• 6.- Repasada de los Estatutos de la Federación y aprobación de los mesmos
• 7.- Nomamientu de los cargos del órganu xestor de la Federación
• 8.-  Otros asuntos y ruegos y entrugues
• 9.- Aprobación del Acta de l’Asamblea y del Acta fundacional de la Federación