La sidre pal I Concursu Americanu d’Echaores, que se cellebra’l 24 mayu en Santa Fé, yá llegó a Arxentina, pesia les dificultaes y restricciones aduaneres
LA SIDRA.- El primer concursu d’echaores d’América, que se va cellebrar el 24 de mayu nel Centru Asturianu de Santa Fé, Arxentina, cuenta yá con mediu centenar d’inscritos de Chile y Arxentina.
Esti certame foi entamáu por Alejandro Blanco, emigrante asturianu, orixinariu de Llangréu, miembru de la directiva del centru, quien enfrentó dellos desafíos, especialmente na importación de sidre dende Asturies por mor de restricciones aduaneres.
Afortunadamente, doce caxes de sidre DOP Val de Boides del llagar Castañón yá llegaron a Arxentina, gracies a la collaboración de la cooperativa asturiana de tresporte internacional LA LLUNA Shipping quien s’encargaron de tolos trámites y xestiones, dende la recoyía nel llagar de Quintueles fasta la llegada del vuelu al aeropuertu de Bonos Aires.
La convocatoria foi un ésitu, con cuasique mediu centenar d’inscritos d’Arxentina y Chile.
Pa escoyer a los participantes, va realizase un cursu aceleráu de cultura sidrera’l mesmu díi 24 pela mañana, cola participación online del historiador Luis Benito García, quien promovio la declaración de la cultura sidrera asturiana como Padremuñu de la Humanidá pola UNESCO.
Amás del concursu, la xornada va incluyir un menú asturianu con callos, bollos preñáos, tortiella y frixuelos de postre, ya inclusive castañes amagostaes trayíes dende la Patagonia.
Esti eventu non solo busca premiar a los meyores echaores, sinón tamién esparder la cultura sidrera asturiana en Llatinoamérica y establecer una tradición que se repita nos prósimos años.
