La XI Espicha Solidaria convirtió’l Llagar Herminio de Cualloto nun referente de tradición y compromisu social. La cita, entamada pola DOP Sidra d’Asturies y la Fundación Sandra Ibarra, recoyó 3.000 euros pa la Escuela de Vida de la fundación, destinando la sidre a una causa común: la llucha escontra’l cáncanu
LA SIDRA.- La protagonista foi la doctora María Neira, direutora de Salú Pública y Mediu Ambiente de la OMS, que recibió l’entítulu de ‘Embaxadora de la Sidre Solidario 2025’. Nacía en Llangréu, Neira destacó l’emoción de ser reconocida “na mio tierra”. “Pa enfrentar el cáncanu faen falta ciencia y teunoloxía, pero igual d’importante ye la prevención, y n’ello tamos”, afirmó tres descubrir una placa col so nome nel llagar cuallotín.
La presidenta de la fundación, Sandra Ibarra, foi la encargada d’abrir los discursos. Dirixóse a Neira con un mensaxe de gratitú: “Esti actu sirve pa reconocer públicamente lo que faes pola llucha escontra’l cáncanu. Lleves Asturies contigo y yes exemplu pa munches muyeres”.
Tamién intervinieron Javier Nievas (Caja Rural), que defendió la obligación d’aportar fondos a esta causa; Jorge García (presidente de la DOP), que recalcó’l compromisu del sector sidreru; y Begoña López, directora xeneral de Desendolcu Rural, que manifestó’l so deséu de que la pallabra cáncanu “desapaeza un díi”. El periodista Juan Ramón Lucas completó los homenaxes calificando a Neira como “l’asturiana más universal d’esti sieglu”.
La Espicha Solidaria, que se cellebra añalmente, convirtióse nun símbolu que xunta sidre, cultura y solidaridá. En ca edición nómase a un embaxaor o embaxaora que recueye’l testigu d’otros referentes. Enantes que Neira fixéronlo Marta Reyero, Carlos Franganillo, Antonio Lobato o Víctor Manuel.
María Neira (Llangréu, 1962) ye una de les grandes voces mundiales en materia de salú pública. Amás de la so responsabilidá actual na OMS, la so trayeutoria inclúi misiones humanitaries en Centroamérica y África, cargos na Axencia Española de Seguranza Alimentario y distinciones internacionales como la Orde Nacional del Méritu de Francia o’l Woman Award que-y entregó la Reina Letizia.
Con esti reconocimientu, la Sidre Solidario refuerza’l so mensaxe: la sidre asturiana ye tradición, pero tamién instrumentu pa la prevención, la concienciación y la solidaridá global.
