El xueves pasáu cellebróse na see del Conseyu Regulador de la DOP Sidre d’Asturies la toma posesión de los doce vocales titulares que formen parte del nuevu Plenu. Tal que figuren nos sos estatutos va tar compuestu por seyes vocales que representen al sector productor y otros seyes al sector ellaborador.
Darréu, los mesmos vocales dieron en escoyer por unanimidá como presidente a D. Jorge García, del sector productor, y como vicepresidente a D. José Luis Piñera, del sector ellaborador. Dambos cargos van intercambiase tres los dos primeros años de mandatu, como vien siendo avezao. Al actu de proclamación asistió la directora de Desencdolcu Rural ya Industries Agraries Dña. Begoña López Fernández.
Sector ELLABORADOR:
| Titulares | Llagar Piñera, S.L. |
| Sidra Quelo, S.L. | |
| Sidra Cortina Coro, S.L. | |
| Llagar Castañón, S.L. | |
| Sidra Fran, S.L. | |
| Llagar La Morena, S.L. | |
| Suplentes | Sidra Frutos, S.L. |
| Sidra Acebal, S.L. | |
| Sidra Angelón S.L. |
Sector PRODUCTOR:
| Titulares | |
| Pomaradas y llagares de Sariego, S.L. | |
| Campoastur S- Coop | |
| Productora Agroforestal de Asturias, S.L. | |
| Cesar Luis Granda Martín | |
| Pomaradas de Quirós S.L. | |
| María Jesús Busto Huerta | |
| Suplentes | Dexnera BD S.L. (Finca Gallinal) |
| Pablo Echanobe Arias | |
| Salencias, S.L. | |
Esta nueva Xunta torna a representar la xunión ente los cosecheros y llagareros, dos partes capitales nel procesu de trazabilidá. Una vegada constituyida, agora va escomenzase a trabayar conxuntamente nun plan estratéxicu de comunicación y promoción, con especial atención a la dixitalización.
Ún de los retos va ser la implementación de la collecha, asina como la defensa de la mazana asturiana, sinónimu de calidá nel productu final. Too ello nun añu tan importante pa la Sidra d’Asturies dempués de la reconocencia universal per parte de la UNESCO. “nun va haber mazana dientru diez años si nun bebemos sidre con denominación”, foi’l mensaxe unificáu de la nueva xunta tres la toma de posesión.
