La plaza Venancio Pando de les Arriondes va ser l’escenariu d’una cita sidrera emblemática que, per primer vegada, va cuntar cola participación invitada del conceyu Ribeseya
LASIDRA.- El IV Concursu y Preba de Sidra Casera de Parres va ceLlebrase esti domingu 2 de payares de 2025 na plaza Venancio Pando de Les Arriondes, dientru’l marcu del XXXIV Certame de la Castaña y Productos de la Güerta. La convocatoria ta entamada pola Andecha Sidrera de Parres, que sigue trabayando pola promoción de la sidre casero y el reconocimientu de los llagares artesanos del conceyu.
Nesta cuarta edición van presentase 28 palos de sidre pertenecientes a 25 llagares de Parres, amás de nueve palos procedentes de Ribeseya, que van formar parte de la modalidá popular de la preba, sumando asina 37 llagares en total. La cita escomenzará alredior del meudíi, cola preba pública y l’animación musical de los grupos de gaites El Gumial, DOP Cabrales y Conceyu de Parres.
Ún de los momentos más reseñables va ser l’hermanamientu ente Parres y Ribeseya, baxo’l llema «Andecha & Entaína», col que dambos conceyos quien enfortiar la so xunión en defensa y promoción de la cultura sidrera artesanal del oriente asturianu.
Tamién se van facer entregues honorífiques: un reconocimientu póstumu a Marcial Manzano, fináu’l 31 de xunetu, y el nomamientu de Manuel Corteguera (Manelín el de La Salgar), de 92 años, como Sociu d’Honor de la Andecha Sidrera de Parres, en reconocencia a la so trayeutoria y compromiso col mundiu la sidre.
El certame, que ca añu gana en participación y prestixu, consolídase como un referente sidreru nel oriente d’Asturies, un puntu d’alcuentru pa ellaboraores, xente del conceyu y visitantes. La coincidencia col Certame de la Castaña y Productos de la Güerta enfortiaa’l caráuter gastronómicu y cultural d’una xornada que cellebra la tradición, la comunidá y el saborgu de la tierra.
