Caborana prepara yá los postreros detalles pa la cellebración de la Xuntanza de Sidres 2025, una cita entamada polos Llagareros Artesanos del Caudal en collaboración col Ayuntamientu d’Ayer, que va tener llugar el sábadu 29 de payares, ente les 20:00 y les 22:00 hores.
LA SIDRA.- L’eventu, que se desendolcará nel llocal de la Xunta d’Iniciatives de Caborana, nel barriu Pozu Santiago, cuntará con un aforu másimu de 160 persones, Les inscripciones tán disponibles a traviés del teléfonu 985 48 12 04, mientres que’l preciu d’entrada ye de 15 euros.
La Xuntanza de Sidres preséntase como un espaciu de convivencia y tastu alredior de la cultura sidrera del Caudal en xeneral y del conceyu d’Ayer más en concreto, con participación direuta de llagareros artesanos de los conceyos de Mieres y Ayer. Cola implicación municipal y la trayeutoria d’estos colectivos. L’actividá ye pionera nesti tipu formatu, y ye de ver como añu ente añu va garrando más puxu y sirviendo de referencia.
La convocatoria refuerza la presencia xorreciente d’eventos entamaos por productores artesanos nes comarques mineres, onde la tradición sidrera sigue ganando visibilidá.
Los entamaores espere completar l’aforu nos prósimos díes, dada la rempuesta que davezu que suel xenerar esta triba de cites sidrero-gastronómiques nel Caudal.
