El Conseyu Regulador de la DOP Sidra d’Asturies presentó la campaña de branu de los productos amparaos dientru la Denominación d’Orixe Protexida
LA SIDRA.- La campaña tien como oxetivu principal la diferenciación de la Sidre d’Asturies frente a otres sidres naturales. Como segundu propósitu, busca fidelizar a los consumidores avezaos de sidre DOP y atrayer a nuevos consumidores potenciales. Amás, nun se desvía de la importancia de dar puxu al consumu del productu llocal y de dar valor a la certificación d’orixe y calidá que garantiza’l Conseyu Regulador.
La campaña entamó’l pasáu vienres 30 de mayu y va tar activa fasta’l 30 de setiembre. Va promocionase na prensa escrita, radio, televisión, redes sociales, mupis y mupis dixitales, amás d’en puntos clave como l’accesu al Aeropuertu d’Asturies, llugar estratéxicu nel periodu del branu. La inversión total foi de 75.000 euros.
“Nótase cuando ye mazana asturiana”. Esti ye l’eslogan escoyíu por Luis Arrontes, direutor de la axencia creativa Arrontes y Barrera, encargada del diseñu de la campaña. Col color colloráu de la mazana y el verde de la botella, confeccionóse una imaxe que tresmite fuercia y que pretende nun pasar desapercibida.
Na presentación, Luis Arrontes tuvo acompañáu pol presidente del Conseyu Regulador de la DOP Sidre d’Asturies, Jorge García, y pol xerente de la entidá, Daniel Ruiz.
