El concursu, de participación gratuito, ta entamáu pola Fundación Asturies XXI, col sofitu de Sidra JR y la collaboración de l’asociación fotográfica Asemeyando y la revista LA SIDRA.
LA SIDRA.– Vién de convocase la XVII edición del Concursu Internacional de Semeyes LA SIDRA, que esti añu tien un calter entá más internacional al cuntar col sofitu de la Rede Europea de Ciudaes de la Sidre y la Mazana –Cider Cities–.
Hai que destacar qu’esti concursu ye l’únicu de temática rellacionada cola sidre en tol Estáu y, fasta onde se sabe, tamién a nivel internacional, cumpliendo nesta edición el so decimoséptimu aniversariu. La entidá entamaora ye la Fundación Asturies XXI, col patrocinio de Sidra JR, y ye posible gracies a la collaboración de l’Asociación Asemeyando.
Informaciones importantes:
- La inscripción ye gratuita.
- La temática ye la sidre, les mazanes o cualisquier deriváu.
- Namás podrán presentase les obres polos sos autores, con un máximu de 5 imáxenes por participante.
- Valen tolos xéneros y procedimientos fotográficos. Les infografíes queden escluyíes.
- Valoraráse especialmente la representación del procesu d’elaboración y consumu de la sidre, tanto dientro como fuera d’Asturies.
- Parámetros técnicos de les fotos:
- Formatu JPG
- Resolución: 8400 x 2800 píxeles, horizontal o vertical
- Ensin marcos, imaxe a sangre
- Pesu máximu: 8 MB
- Única vía válida de presentación:
https://asemeyando.fotogenius.es/
Calendariu:
- Espublización de les bases: xineru de 2022
- Recepción de les obres: del 31 de mayu al 2 de setiembre de 2025
- Fallu del xuráu: de magar el 20 setiembre de 2025
- Entregues de premios: de m agar el 28 setiembre de 2025
Premios:
- Primer premiu: 700 € en metálicu + medaya d’oru CEF
- Accésit: 200 € en metálicu + medaya de plata CEF
- Accésit: 100 € en metálicu + medaya de bronce CEF
- Mención especial “Sidra JR”: 100 € en metálicu + 2 caxes de sidre JR (a recoyer nel llagar pola persona premiada
BASES DEL XVII CONCURSU INTERNACIONAL SEMEYES LA SIDRA / BASES DEL XVII CONCURSO INTERNACIONAL DE FOTOGRAFÍA / RULES OF XVII PHOTOGRAPHY CONTEST
