Fartura de llibru na Sidrería Alterna

¿Qué meyor carta de presentación pue tener una sidrería que cinco palos de sidre a escoyer, incluyendo delles con DOP? eso asina, namás entrar y con un escelente equipu d’echaores atentos pa echar un culín.

Nosotros decidimosmos por Sidra Juanín, que nun se topa en munchos sitios.

A partir d’ehí, la fartura fue del quince.

Asina de man, una fabada d’espatarrar, con compangu a embute y el caldu consistente.

Pa siguir, tortos variaos, lo que na Sidrería Alterna quier dicir tortos con matachana, con revueltu de picadillu, con quesu La Peral con dulce de mazana y con xamón ibéricu, una llocura de variedá y calidá. Si m’entruguen, diría que los meyores los de quesu La Peral.

Con esto yá tábemos refalfiaos, pero ye pecáu dir a una Sidrería Alterna (hai dos) y nun prebar dalguna de les sos llambionaes caseres.

Pidimos una tarta quesu con zreza y la sospresa foi que nun vieno con marmiellada a cencielles, sinón cubierta amás de zreces de verdá; cremosa y nel so puntu de dolce, llambiona pero ensin pasase. Prebamos tamién los “lemonpies”, que nun son otra cosa que pastelinos de crema de llimón, perbién.

Sidrería Alterna – Rosal 13. Uviéu T. 984 08 64 35