Quesos con sidre o magaya

Dos de los productos más representativos ya identitarios d’Asturies fúndense n’ún solu que sospriende, darréu que los sos ingredientes combinen a la perfeición; tou un aciertu y ensin dulda una amuesa más de la capacidá y bon faer de los nuesos mayestros queseros

LA SIDRA.- Qué dulda hai de qu’en Asturies somos afortunaos por cuntar con una variedá tan amplia de quesos, pero tamién, pola procedencia de la so materia primo y pola so ellaboración, que na mayoría de los casos ye artesanal. “La climatoloxía y la orografía suponen unes condiciones bien favorables pa la produición de camperes de gran calidá, aseguren la cebera de ganáu llechero de forma natural gran parte del añu. Esta tradición de ganadera xúncese  a la situación xeográfica y a les dificultaes de comunicación que supunxo l’enraigonamientu de la tradición quesera como manera d’aprofitar los escedentes de la lleche” desplícase nel ‘Catálogu xeneral de quesos ellaboraos n’Asturies’ espublizáu pola Conseyería de Desendolcu Rural.

Esti documentu recueye que nel nuesu país esisten anguaño 97 queseríes que producen 329 ellaboraciones estremaes, incluyendo les tradicionales, les nueves creaciones, les artesanales o les industriales. Y de esos 329 tipos, siete d’ellos utilicen la sidre o magaya como ingrediente na so fabricación. Nes próximes llínies vamos desplicar les sos principales cualidaes organoléptiques pa conocelos un pocu más y afayar qué ye lo que-yos apurre la bébora asturiano.

VER ARTÍCULU COMPLETU