«Sidra de Autor» entrega los sos premios en Villaviciosa con un estrenu de Xuacu Amieva

El Teatru Riera de Villaviciosa acueye’l sábadu 21 de payares la entrega de premios del I Certame Lliterariu Internacional «Sidra de Autor». Xuacu Amieva va estrenar «Himnu a la sidre».

La Fundación Automáticos Tineo pal Fomentu de la Cultura va reconocer a les persones premiaes na primer edición del certame de relatos breves. L’actu cuenta cola collaboración de «Asturias Capital Mundial de la Poesía» y cola participación de Xuacu Amieva, que va presentar l’himnu inéditu.

El certame recibió 520 relatos de 23 países. El fallu del xuráu, que publicó LA SIDRA n’ochobre, concedió tres premios principales y seis accésits de 350 euros cada ún. Les bases del certame recoyíen como oxetivu promover la cultura de la sidre asturiana al traviés de la lliteratura.

Los tres premios principales

1. Patrimonio con IVA, Nathaly Judith Silva Villanueva (2.000 € y una escultura de César Castaño).
2. La sidra no es una bebida, Azucena Fernández Alba (1.000 €).
3. El vaso que pasaba, María de Felipe González (500 €).

La fundación publicó la rellación completa de relatos premiaos.

Horariu del actu. La recepción de convidaos ta prevista a les 19:00. La ceremonia empieza a les 19:30 y tien previstu acabar a les 20:45. A les 21:00 va haber una espicha na Plaza d’Abastos de Villaviciosa. La entrada al teatru ye llibre hasta completar l’aforu.