La CiderCon entrega los sos certificaos de Pommelier nel so caberu díe

Dende la Revista LA SIDRA despedímonos de la CiderCon con perbón saborgu y reafirmándomos na idega de que l’universu sidreru aconceya la meyor xente en tol mundiu

La cabera xornada de la CiderCon entamó con un aconceyamientu informal de pumareros del mundiu qu’aprofitaron la ocasion pa compartir conocimientos ya idegues. Darréu, comu tolos díis nesti impresionante eventu, entamaron les charres y conferencies, simultanees a l’apertura de la Trade Show con tolos puestos de materiales y servicios pa facer sidre onde dellos autores tuvieron presentes roblando los sos llibros.

Demientres la xinta tuvo llugar la Ceremonia d’Entrega de los Certificaos de Pommelier. Un pommelier ye un profesional especializáu en tolo relacionao cola mazana y les bébores ellaboraes a partir de ella, especialmente la sidre y quienes otorguen esta distinción, tres de la realización de los correspondientes cursos y esámenes, ye l’American Cider Association. El pommelier tien de tener conocimientos de tastia, ellaboración de sidre y maridaxes con ella, ello ye, qu’esti titulu reconoz como sidreru profesional a quien cuenta con elli. Nesta ocasión entregáronse 42 certificaos a pommeliers de 19 países estremaos y anunciáronse los prósimos esámenes p’algamar el títulu, el más cercanu pa nos n’Alemania. 

L’eventu preslló a les 6 de la tardi col brinde comunitariu de tolos participantes na CiderCon, emplazándose a toos a volver l’añu qu’entra, nesta ocasión a Providence, Rod Island, onde tendrá llugar la prósima edición d’esti macro eventu sidreru y onde esperamos que la sidre asturiana tea más presencia.

 Galería de Semeyes