La Sidrería Celta Endovélico –Portu– y el Portal da SidrA (portaldasidra.pt) participaron nel Algarve portugués nun eventu nel que apurrieron sidre asturiana, resaltando’l reconocimientu reciente de la UNESCO
LA SIDRA.- Grandes amantes de la sidre en xeneral y de la asturiana en particular, los ‘endovélicos’ –Mª José Valente y Xaime Barros– nun son namás embaxadores oficiales del Salón Internacional de les Sidres de Gala, sinón que tamién exercen como tales de la sidre asturiana en xeneral, faciendo siempres por dala a conocer allá onde-yos ye posible.
Nesti casu trátase d’un eventu nel Algarve portugués, y como se puede ver na semeya, amás de la sidre, tamién llevaron una pancarta na que se destaca’l reconocimientu internacional reciente de la UNESCO a la nuesa cultura sidrera.
Como siempres, ‘Muito obrigados’ a los nuesos amigos portugueses.
