El Gaiteru, ente les 10 meyores sidres del mundu

En pallabres del periódicu británicu The Independent, la sidre asturiano ocupa la cuarta posición, mentes que la gallega Maeloc atopase en sestu llugar.

LA SIDRA.- En Gran Bretaña pue que la sidra nun tea la popularidá de la cerveza, pero entá forma parte de munches cultures más allá de les zones rurales del país.

Señalen que los franceses tuvieron ellaborando “cidre” demientres sieglos, particularmente en Normandía y Bretaña, y munches de les variedaes de mazana de sidra británicu aniciáronse a esi llau de la Canal.  L’artículu menta la fuerte tradición de producción de sidre d’Austria, Alemaña ya Italia, anque nun ye fácil consiguir una botella nel Reinu Xuníu.

N’América la bébora conozse como “hard cider” (sidre fuerte), pa estremala d’otres formes de sidre ensin alcol. A pesar de les lleis de prohibición, que dieron llugar a qu’esta sidre convirtiérese nuna bébora cuasique escaecío, anguaño ta travesando una recuperación na que participen tanto pequeños produxtores como grandes marques.

Y una forma de sidre más singular tien los sos oríxenes en Quebec, Canadá, onde les mazanes o mostios prensados conxélense enantes d’escomenzar una lenta formientadura en fríu. Conocía como sidre de xelu, ye una bebida du lce más fuerte, de cutiu comercializada como alternativa al vinu de postre.

Tamién señala qu’en pocos países n’Europa hai tan lloques pola sidre como Asturies, onde’l fuerte saborgu agriduz de la nuesa sidre refuerzase por mediu del escanciáu y bebiéndola d’un solu tragu. El derrame del llíquidu ta garantizáu, lo que resulta en “cais convertíes en ríos de sidre”.

Finalmente se muéstrase una clasificación coles meyores sidres que los provisores de sidre del Reinu Xuníu puen ufiertar:

1. Guillet Freres, Cidre Breton Brut Traditionelle, Francia.
2. Leduc Piedimonte, Ice Cider, Canadá.
3. Bayeaux Cidre Brut Traditionnel, Francia.
4. El Gaiteru, Asturian Cider, España.
5. Angioletti Secco Sparkling Cider, Italia.
6. Maeloc Sidra Secco, Galician Cider, España.
7. B.Nektar Zombie Killer, Estaos Xuníos .
8. Craigies Cider, Dalliance, Irlanda.
9. Sainsbury’s Taste the Difference French Sparkling Cider, Francia.
10. Angry Orchard, Crisp Apple, Estaos Xuníos.

El Gaiteru descríbese como una sidre de gran fervencia y dulzor encarambeláu con una llixera astringencia a la fin, una auténtica sidre asturiane malo d’atopar fora del Estáu, anque ca vegada cunta con una mayor esportación.