Un restaurante bien d’encamentar, como pa tornar a prebar el restu la carta. De primeru, una ración de zamburiñes (ocho y de bon tamañu) al puntu y chipirones a la chapa, saborgosos, frescos y llimpios, a mar.
Pa detrás, unos callos coles sos patatines frites, tienros y xelatinosos, cola testura perfecha y caldín espeso, con bon cuerpu.
Pa poner el ramu, y eso que cuasi nun pedimos postre pola fartura, una espectacular llechi frita a la qu’hai que da-y cinco estrelles.
Pa con ello, Sidra Sopeña, la DOP de El Gobernador, seique quien lo prefiera puede tomar tamién sidre ensin alcohol, de Trabanco. Eso sí con echaores mecánicos.
Sidrería El Globo Cai San Bernardo 18 – Xixón T. : 985 17 22 47
(Visited 3.111.727 times)
