Inicio > Cultura sidrera > Sabes echar sidre?? Ye’l momentu!!

Sabes echar sidre?? Ye’l momentu!!

lasidraCultura sidrera, Echaores

Esti xueves 24 xunetu, el taller qu’entama mensualmente’l  Clú de LA SIDRA na sidrería La Montera Picona de Ramón, vien con novedaes, y ye qu’apurriráse un diploma a los asistentes, y formaráse un equipu pa participar nel Concursu d’Echaores de la Fiesta de la Sidre de Xixón.
LA SIDRA.- Les persones escoyíes pa formar esti equipu d’echaores, recibirán formación estra demientres el branu, pa llegar en condiciones al mencionáu concursu d’echaores, y pa ello cuntarán con profesionales como Wilkin Aquiles, Campión d’Asturies 2023 y les espertes echaores Alejandra Vanegas y Laura Ovín.
Per otru llau, a lo meyor yá sabes y lo que quies ye perfeicionar l’estilu, conocer más de la hestoria, la téunica, como ye la puntuación nos concursos… o cenciellamente pasalo bien con otres presones amantes de la sidre y la so cultura.El taller contempla trés niveles, en función del grau de conocimientu de los participantes: Aniciu / Mediu /Altu. Tien calter mensual, y en principiu rialízase siempres el últimu o’l penúltimu xueves de ca mes, na mencionada sidrería.El cursu entamará a les 20:00 h. y durará fasta les 21:30 hores. Eso sí, recordai que les places son llimitaes y acuparanse per rigurosu orde d’iscripción.

El preciu d’esti cursín ye de 10 € (5 € pa miembros del Clú de LA SIDRA) por presona

L’ingresu hai que facelu poniendo’l nome del participante y el conceutu ‘Taller d’Echar Sidre”’ nel númberu cuenta de la Fundación Asturies XXI:  

ES86 3007 0100 132088603820

P’apuntase y más información:

  • LA SIDRA
    • T/ Whatsapp: 652 594 983
    • Corréu lletrónicu: adlasidra@gmail.com

Entama:

  • Clú de LA SIDRA / Fundación Asturies XXI

Sofita:

  • Sidrería La Montera Picona de Ramón
  • FMCEYUP del Ayuntamientu Xixón

Collabora:

  • Sidra Menéndez
  • Asociación de Escanciadores

VER SEMEYES DEL POSTRER TALLER

 

(Visited 3.184.367 times)
lasidra
https://www.lasidra.net

Artículos relacionados

I Concursu Americanu d’Echaores

En payares, ‘Tiempu de… Amagüestos’

Concursu Meyor Primer Sidre L’Añu 2024