La cultura sidrera torna tener protagonismu en Mieres cola organización del V Cursu d’echáu de sidre de la Comarca’l Caudal, una iniciativa formativa destinada a tresmitir y promocionar una de les práutiques más carauterístiques venceyaes a la sidre n’Asturies.
LA SIDRA.- L’actividá va desencolcase ente’l 23 de marzu y el 16 d’abril de 2026 nel Centru Cultural de Mieres, con clases programaes de llunes a xueves, ente les 17:30 y les 20:00 hores.
Un cursu pa deprender a echar sidre
El cursu ta impartíu pola Asociación de Llagares Artesanos del Caudal, una entidá que vien promoviendo dende hai años distintes iniciatives venceyaes a la promoción de la sidre y de la cultura sidrera.
L’oxetivu d’esta formación ye que les persones participantes deprendan les bases del echáu correutu de la sidre, una téunica fundamental pa disfrutar de la sidre natural y una de les señes d’identidá más reconocibles de la cultura sidrera asturiana.
Nel cursu trabayarase tantu la parte teórica como la práctica, incluyendo aspeutos como la posición correcha pa echar sidre, el remanamientu de la botella o la forma d’optimizar les carauterístiques de la bébora nel momentu del serviciu.
Inscripciones pal cursu d’echáu de sidre en Mieres
La participación nel cursu ye gratuita, anque les places son llindaes. Dende la organización indícase que habrá preferencia pa persones desemplegaes.
Les inscripciones puen realizase en llinia al traviés de la web municipal:
www.mieres.es/eventos
El plazu d’inscripción pa esti cursu d’echáu de sidre en Mieres ta abiertu fasta’l 19 de marzu.
