Entamu LA SIDRA de Xunetu (Nb. 243)

Entamu

Si’l mes pasáu destacábemos cómo la vitalidá de la cultura asturiana de la sidre favorecía l’acumulación d’actividaes sidreres fasta’l puntu de faer bien difícil cumplir con toes elles, esti mes caltien la enclín con una importante progresión de les convocatories que vienen d’años anteriores y l’apaición d’otres nueves qu’abren espacios orixinales nesti yá de por sí completu calendariu sidreru col que cuntamos.

Esti mes de nuevu lleva’l protagonismu la DOP Sidre d’Asturies, cuyu XII Salón confírmase como un referente fundamental del mundiu la sidre asturiano -que merecería desendolcar una proyección internacional-, y que, a la so ‘Tasca y gana cola sidra asturiano’ suma un esitosu ’hit sidreru’ del branu col so ‘Da-y Barbie’.

Nun quedó atras la villa de Nava, cuyu festival, ¡el 47! sigue anovándose, ampliando perspeutives y sumando adeptos gracies a la implicación de los vecinos, y bien especialmente de los llagares navetos, y a un plantegamientu mui plural, que conxuga actividaes formales como’l ‘Sidroforum’ con otres más llúdiques, como la preba de sidre o la xinta na cai. Amiéstes a ello una mayor proyección esterior y los resultaos falen por sigo mesmos.

Pel mediu munchísimes más actividaes, con xornaes sidreres en Carbayín –Siero-, Villacondide –Navia-, Morea Riba –Ayeri-, Pimiangu –Ribadeva-…. y otres nueves, como son la naguración de la esposición de semeyes LA SIDRA, o la convocatoria de la Primer Sidre en Cangues d’Onís, coles qu’esti conceyu reivindica la so cultura y potencialidá sidrera que yá dexara de manifiestu cola so participación na Rede Europea de Ciudaes de la Mazana y la Sidre –CiderCities- y nel proyeutu européu CIDEREU.

Amás, esti mes tuvo llugar la presentación formal de la Federación d’Asociaciones de Sidra Casero de Asturies –FASCAS-, tres un procesu costitutivu modélicu, rializáu dende la base, y ensin prieses, como tien de ser, y cuya esistencia agora un mayor desendolcu de les múltiples xornaes de sidre casero que yá escomenzaron a cellebrase, y que se van allargar fasta’l mes de setiembre.

D’otra miente la sidra sigue esfrutándose nes sidreríes, y espándese per merenderos, romeríes y múltiples fiestes de prau del branu asturianu… ¡La sidre vive, la vida sigue!

Para recibir el PDF de la revista hace falta estar dado/a de alta en el whatsapp de LA SIDRA. ¡Gratis!!