La Primer Sidre l’Añu arrinca mañana na Feria Muestres

El nuevu allugamientu del eventu, nel Pabellón Asturies del Recintu Ferial Luis Adaro (Feria Muestres) ya’l so alrodiu, amás d’apurrir un ampliu espaciu, asegura que los participantes de la Primera Sidre l’Añu van tar a bon resguardu de la posible agua

El Pabellón Asturies de la Feria de Muestres y la so contorna van acoyer esti añu  a los miles de sidreros que s’esperen na Primera Sidre L’añu, onde yá too ta dispuestu –la barra, los toneles, la zona de xuegos tradicionales, la parrilla, les meses, l’escenariu, el novísimu ‘Espaciu Unesco’ y los puestos d’artesanía- pa la gran apertura que va tener llugar mañana a les dolce del mediu día, col pregón de Luis Benito García, Presidente de la Cátedra de la Sidra de la Universidá d’Uviéu y el culín nagural.

De siguío, va faese entrega de los premios a los llagareros ganadores de la Meyor Primer Sidre L’Añu: Meyor PSLA y Sidra oficial de la PSLA, La Morena, Segundu clasificáu: Sidra Prau Monga, de Viuda de Angelón y Tercer clasificáu: Sidra Cabueñes.

La entrega diplomes va reconocer a la primer promoción de Sumilleres de Sidre y la ceremonia d’apertura va cerrase col  Primer culín, al cargu d’Alejandra Vanegas, y el Primer Culín colectivu con representantes de la Bona Confradería de los Siceratores d’Asturies.

De magar ende, cola música yá sonando y la folixa en marcha, dirán asocediéndose fasta les nueve de la nueche les actividaes planiaes pal día, repartíes ente l’Espaciu Unesco, l’escenariu, y l’esterior del pabellón, d’alcuerdu al programa que pues consultar darréu:

PROGRAMA COMPLETU

Xueves 17

• 13:00 h. – Escenariu principal
• Pregón inaugural a cargu de Luis Benito García, Presidente de la Cátedra de la Sidra de la Universidad de Uviéu
• Entrega premios a los llagareros ganadores de la Meyor Primer Sidre L’Añu,
  • Meyor PSLA y Sidra oficial de la PSLA: La Morena
  • Segundu clasificáu: Sidra Prau Monga
  • Tercer clasificáu: Sidra Cabueñes
• Entrega diplomes primer promoción de Sumilleres de Sidre
• Culín inagural. A cargu d’Alejandra Vanegas. Sidrería MOntera PIcona de Ramón
• Primer culín colectivo con representantes de la Bona Cofradía de los Siceratores d’Asturies
• 15:00 – Espaciu Unesco
• Tastia Guiada de sidre La Morena. Manuel Busto y Alfonso Prado. Llagareru

• 16:00 – Espaciu Unesco
• Presentación del libru “La sidra, el ADN asturianu diferente al restu de la península”, de Salvador Ondó. Firma de exemplares col autor.
• Tastia d’Alimentos del Paraisu – productos d’escanda con Sidra Riestra Brut (fasta completar aforu)

• 17:00 – Espaciu Unesco
• Tastia guiada de sidre d’Irlanda a cargu d’Anzu Fernández
• 17:00 – Esterior
• Mayada pa la reciella

• 18:00 – Escenariu principal
• Conferencia “La importancia del arte d’echar la sidre comu elementu diferenciador”
• Taller d’echar sidra con Salvador Ondó, ganador del Campeonatu de Escanciadores d’Asturies

• 19:00 Escenariu principal
• Actuación: Soi Panderetera
• 21:00 Preslle

Tol díi: Sidre a llibre disposición en barra y en toneles, Banda de gaites El Gumial, xuegos infantiles, esportes tradicionales y talleres d’artesanía, barra de comida.