¿Un cóctel de mazana y sidre?

El Gin Fizz del Varsovia Amares, perafayaízu pa esfrutar del branu asturianu

LA SIDRA.- El postrer proyeutu de Varsovia ye una espeutacular terraza con vistes a la badea de Xixón, la icónica sablera de San Llorienzu y el so Paséu del Muru. Montada xunta la piscina y arrodiada de bomvilles, cunta tamién con una parte de meses pa sentase cómodamente a charrar, picar y beber un cóctel col soníu de les foles de fondu… y de la música en direutu.

Una de les propuestes d’esi espaciu ye’l  ‘Gin fizz de manzana’ que lleva xinebra, mazana, llimón, zucre, clara güevu y sidre brut. La utilización de sidre o espirituosos con base de mazana estuvo presente nos postreros años na coctelería del país. Un seutor nel qu’Asturies tien escelentes representantes, incluso ganores de campionatos mundiales, pero que tovía nun ye conocío pol gran públicu.

Si queremos dir adientrándomos nesti mundiu, el Varsovia Amares tamién ufre mezcles como la “Pomada menorquina” -xinebra, llimón, zucre y Chartreuse-, o ‘L’aire sabe a velenu’ –tequila, vermouth seco, vermouth rosso y Campari macerao con frambueses y todo ello añeyado en barrica carbayu demientres dos meses-. La terraza ta abierta de xueves a domingu de 20.00 h. a 02.00 h. y l’horariu cocina ye de 20.00 h. a 23.00 hores