La Escuela de Sumillería de la Sidra entama una Visita / Tastia Guiada al llagar Panizales pal prósimu 25 xunetu
LA SIDRA.- El propiu llagareru, Tino Vázquez, encargaráse presonalmente de dirixir tantu la visita a les sos istalaciones como de facer la tastia guiada de les estremaes sidres de xelu / fueu y compuestes coles que cuenta, unes yá comercializaes como ye’l casu de Viesk, Olivia o Caldea, y otres esperimentales o en fase d’ellaboración, de tala miente que pueda apreciase les variaciones que van produciéndose conforme’l tiempu y / o les condiciones de maduración del productu.
L’actividá finará con una degustación de la sidre natural ‘Panizales’, y un pinchéu.
La Visita / Tastia Guiada entamará a les 18 hores nel propiu llagar, tien un númberu places llimitáu a 15 participantes, tendrá una duración aprosimao de dos hores a dos y media, y tien un costu de 22 € (20 € pa ‘sumilleres de la sidre’).
Pa inscribise ye preciso confirmar previamente la esistencia de places al T / Whas 652 594 983 y darréu facer l’ingresu a la cuenta de la Fundación Asturies XXI na Caxa Rural de Xixón:
ES86 3007 0100 132088603820
Col conceutu Sumilería Panizales, y especificando nome de la persona inscrita
