El Xixón Arena acoyó ayeri la XIV edición del Salón Sidra d’ Asturies, entamáu pol Conseyu Regulador de la DOP Sidra d’Asturies, presentando la sidre d’esta collecha de los 31 llagares acoyíos a esta marca da calidá y desvelando les meyores sidres y cosechero del añu, nun actu marcáu pol calor, nel que se dieron cita tolos profesionales del sector sidreru
El llagar La Morena, yá reconocíu como la Meyor Primer Sidre l’Añu 2025, repitió’l so ésitu consiguiendo el naguáu primer puestu como Sidra Natural Tradicional que certifica la so sidre como la que meyores característiques presenta esta collecha, convirtiéndose na sidra representante de la DOP Sidra d’Asturies desti añu. Sidra Vigón y Sidra Cabueñes llograron la plata y el bronce respectivamente nesta categoría.
Los Hermanos Martínez Sopeña trunfaron tamién con un doblete nes categoríes de Sidra Natural Esplumosa, pa Emilio Martínez y de Sidra Natural Filtrada pa Españar, que van representar a la Sidra d’Asturies neses dos categoríes.
El premiu al meyor Collecheru del Añu foi pa Jose Manuel Cuesta.
Mientres l’actu desvelóse tamién al embaxador de la Sidra d’Asturies 2025, honor que recayó nel esportista olímpicu Saúl Craviotto, quien declaró que “La sidre ye un productu universal y ye un verdaderu arguyu esti tipu de reconocencies n’Asturies, que me dio tou y lo más importante, un llar y una familia”.
Nel actu d’inauguración participaron el Presidente del Conseyu Regulador, Jorge García, Marcelino Marcos, conseyeru de Mediu Rural y Política Agraria, el segundu teniente d’alcalde del Aytu Xixón, Jesús Martínez Salvador y la responsable del sector primariu de la Caxa Rural de Asturies, Mónica Fernández. Ente les autoridaes presentes destacó tamién la presencia d’Ángela Pumariega, vicealcaldesa de Xixón, Álvaro Queipo, llíder del Partíu Popular d’Asturies, Adrián Pumares, secretariu xeneral de Foru Asturies.
Marcelino Marcos destacó la importancia de la sidra nel procesu de “recuperación de l’autoestima” de los asturianos, llamando a entendela non solo como parte importante de los nuesos raigaños sinón sobremanera como un activu de futuru; na so intervención anunció tamién el llema del stand del Principáu na FIDMA. ‘Asturies ye sidrera, lo nueso ye mundial’.
L’actu axuntó a cientos de persones que dende los once de la mañana pudieron comprobar de primera man la peralta calidá de les sidres acoyíes a la DOP Sidra de Asturies y que, a pesar del fuerte calor, allargaron la celebración más allá de la hora marcada pal zarru.
