Concursu Semeyes LA SIDRA, entrega premios y esposición

El prósimu vienres 27 de mayu, a les 8 la tardi, na Sidrería La Galana de Xixón, van apurrise los premios d’esti prestixosu certame, entamáu pola Fundación Asturies XXI, col patrociniu del llagar JR y la collaboración d’Asemeyando y la revista LA SIDRA, ya naguraráse la esposición coles 20 meyores semeyes presentaes al concursu.

LA SIDRA.- Nesta XIV edición, presentáronse un total de 383 semeyes, de 14 países distintos –Alemaña, Arxentina, Brasil, Colombia, Croacia, Cuba, España, Francia, India, Irán, Italia, Reinu Uníu, Rusia y Vietnam–, con una “gran calidá”, según apuntó Luis José Vigil-Escalera, que presidió un xuráu compuestu por Carlos Suárez, Esther Freile, Marta Menéndez y Carme Pérez, que fallaron los ganadores el pasáu 14 d’abril.  

• El primer premiu foi p’Arturo Rodríguez pola so obra, Pintando con lluz.
• El primer accésit foi pa la semeya, A la fin de la xornada, d’Héctor Ferrería.
• El segundu accésit recayó na imaxe d’Antonio Farto, La Sidra nel corazón.
• A lo cabero, el premiu especial qu’otorga’l llagar JR foi para la instantánea, Puzzle, de José María García.

LLEER MÁS