La villa paramesa de Santa María del Páramo -Llión- acueye esti sábadu 2 d’agostu la décima edición de la Feria de la Sidre, organizada pola Asociación Cultural y Gastronómica La Ceranda col sofitu del Conceyu. L’alcuentru, que yá ye un clásicu del branu na contorna, va desendolcase na Avenida de la Costitución, ente les 12:30 y les 14:30 h y depués de 19:30 fasta media nuechi.
Doce llagares y sidre pa fartar
Nesta edición participen 12 productores de sidre procedentes d’Asturies, Galicia, Cantabria, País Vascu y Llión. DEstacando ente ellos la sidra natural “Del Agüelo”, ellaborada na mesma villa, que se convirtió n’emblema llocal. Los asistentes van poder mercar un vasu comemorativu, que-yos va permitir degustar ensin llímite toles variedaes de sidre presentes na feria.
Rises y música pa completar la folixa
Como noveda destacada, a les 20:00 h va actuar el humorista llocal Johnny San Miguel, con un monólogu sobro vivencies venceyaes al mundiu la sidre. Tres elli, la discoteca móvil va poner música y ambiente fasta l’alba, animando a moces y mayores n’un ambiente de folixaabierta y popular
Cultura, economía y xente
L’alcaldesa, Alicia Gallego, remarcó’l valor que tien la feria “poles sinerxes económiques, llúdiques y sociales” que xenera. Amás, recordó la importancia d’esfrutar d’una xornada como esta dende’l consumu responsable, col arguyude tener una sidre propia y un pueblu que la cellebra con identidá
