La cultura sidrera asturiana sigue xenerando nuevos espacios de creación. La Fundación Automáticos Tineo convoca’l I Certame Internacional Lliterariu de Rellatos Breves “Sidre d’Autor”, una iniciativa que busca poner la sidre en pallabres y qu’ufierta una oportunidá abierta a autores y autores de tol mundiu.
El certamen tien un atractivu especial: los rellatos puen presentase tanto n’asturianu como n’español, apostando pola normalización del asturianu como llingua de creación lliteraria nel ámbitu de la cultura sidrera.
Sidre, lliteratura ya identidá cultural
La convocatoria ta abierta a persones mayores de 14 años, ensin llende de nacionalidá o residencia. Los rellatos han ser inéditos y tener como tema central la sidre y la cultura sidrera asturiana, dende la manzana y la pumarada fasta l’echar sidre, les espiches, la vida nel chigre o’l significáu social de la sidre.
Los testos puen adoptar cualesquier tonu narrativu —realista, históricu, fantástico o contemporaniu— yaincluirán la pallabra sidra o dalgún de los sos derivaos. La estensión va dende les 50 fasta les 1.800 pallabres, y la presentación faise en formatu dixital, siguiendo les bases establecíes pola organización.
Un certamen internacional con premios atractivos
El I Certame “Sidre d’ Autor” cuenta con una dotación económica destacada y una estructura de premios inspirada nel ritual d’echar sidre. El primer premiu ta dotáu con 2.000 euros, amás d’una obra d’arte d’un creador asturianu y un llote de productos del país. Hai tamién un segundu y un tercer premiu, asina como dellos accésit, toos ellos acompañaos de productos asturianos y reconocimientu editorial.
Los rellatos premiaos y una seleición d’obres escoyíes pol xuráu van espublizase nuna edición colleutiva, tanto en formatu dixital como impresu, lo que garantiza visibilidá a los autores participantes.
Lliteratura pa cellebrar la sidre
Darréu del reconocimientu de la cultura sidrera asturiana como Padremuñu Cultural Inmaterial de la Humanidá, esti certamen preséntase como una iniciativa que xune tradición y creación contemporánea, y que convierte la sidre non solo nuna bébora, sinón nun argumentu lliterariu con proyeición internacional.
La convocatoria ta abierta fasta’l 30 de xunu de 2026, y tola información detallada sobre participación, plazos y documentación ta disponible nes bases oficiales del certame.
