La Felguera cellebra del 24 al 26 d’abril les Xornaes de la Sidre Natural con concursos, música y actividaes familiares
La Felguera prepara una nueva edición de les Xornaes de la Sidre Natural, una cita clásica del calendariu festivo del Nalón que se celebrará del 24 al 26 d’abril nel parque Dolores Fernández Duro. L’alcuentru combina tradición sidrera, concursos, música y actividaes pa toles edaes, convirtiendo la villa nuna referencia pa la cultura de la sidre nel corazón de Llangréu.
El vienres 24 abriráse’l programa a les 17:30 hores col XXXIII Campeonatu Oficial d’Echaores, acompañáu pola actuación de la Banda Gaites Conceyu de Llangréu. Va ser una primer xornada marcada pol protagonismu del echar sidre y la tradición.
El sábadu 25 concentrará bona parte de les actividaes. A les 11:00 hores ta previstu’l LXXVII Concursu Llocal d’Echaores y a les 12:00 el XXX Concursu de Sidre de La Felguera. A les 13:00 entregaránse los premios. Amás, dende les 12:00 fasta les 14:30 hores —o fasta finar esistencies— habrá degustación de sidre natural amenizada pola Bandina Aires del Nalón.
El domingu 26 va tener un perfil más familiar y cultural. A les 12:00 hores ta anunciada la presentación del llibru “Pumareres”, xunto col fondu editorial “Sidra”, talleres infantiles de mayar y echar sidre, y una visita teatralizada sobro la ruta de la siderurxa. El preslle llegará a les 13:00 hores col conciertu de la Banda de Música de Llangréu.
Les Xornaes de la Sidre Natural de La Felguera tornen asina a venceyar padremuñu, hostelería y cultura popular nuna cellebración yá consolidada nel conceyu.
