Arturo Mediero y María Antonia Nuevo defenden en Piedras Blancas un modelu de chigre basáu nel serviciu de la sidre, la cocina de casa y el tratu direutu cola vecería.
LA SIDRA.- Nun val con poner una botella verde enriba la mesa pa convertir un bar nuna sidrería.
En Casa Arturo, en Piedras Blancas, Arturo Mediero tien esa idea clara. La sidre sírvese como entiende que se sirvió siempre nun chigre: el personal avérase a la mesa y échala a mano.
Nun hai máquinas nin tapones d’escanciáu.
Pa Mediero, esti serviciu nun ye solamente una cuestión técnica o estética. Obliga al camareru a averase al veceru y crea una oportunidá de conversación.
Un comentariu sobre’l día, el fútbol o cualquier cosa que pasara pela redolada forma parte d’una relación que cada vegada resulta menos habitual na hostelería.
La sidre caltiénse ente 12 y 14 graos nun enfriador específicu y, nel momentu de la visita de LA SIDRA, Casa Arturo trabayaba con Trabanco, Trabanco Selección y Frutos.
La cocina sigue la mesma filosofía.
María Antonia Nuevo ta al frente d’una propuesta basada en platos tradicionales, con cabritu, carrilleres o callos, xunto con xornaes especiales dedicaes a productos como’l bonitu o les cebolles rellenes.
Casa Arturo defende asina un modelu pequeñu, cercanu y difícil d’automatizar.
Porque un chigre nun ye namás un sitiu onde comer y beber.
Ye tamién un llugar onde falar.
Llectures rellacionaes
- Si nun echen sidre, ¿ye un chigre?
- El chigre: cuando la norma nun s’aplica
- El llibru de la cultura sidrera
- Casa Vila, un chigre-tienda del sieglu XXI
- LA SIDRA 269
