En Sidrería Quercus “picar dalgo” ye sinónimu de fartura

Si por daqué me presta parar peles cuenques , nesti casu pela del Nalón ye porque tienen perclaro lo que quier decir “picar dalgo”.

Un exemplu, esti tablón de matanza que nos recomendaren na nuesa cabera visita a la Sidrería Quercus, na Pola Llaviana, cuando pidimos dalguna cosuca p’acompangar unes botelles de la DOP. del Llagar de Piñera, Sidra Llosa Serantes.

Una tabla grande comu una rueda, bien apinaina de picadillu picantín y saborguiosu, dos raxes d’adobu, una bona ración de costielles de gochu meloses y patatines con pimientos.

Tovía mos animaben a seguir con unos minicachopos -que de minis tienen pocu- rellenos de picadillu, o unes arepes con salsa guasacaca, dos especialidaes que nun se topen en dengún otru sitiu, pero preferimos dexalo pa otra ocasión.

Una fartura tremenda.

Sidrería Quercus – Cai Riu Cares 28 – La Pola Llaviana T.617 59 74 34