Entrega premios del Campionatu Oficial d’Echaores

Cellebróse nel Muséu de la Sidre de Nava, Salvador Ondó foi’l vencedor de la lliga de concursos

LA SIDRA.- El Muséu de la Sidre de Nava foi l’escenariu escoyíu pa ceLlebrar la entrega Premios de Campionatu Oficial d’Echaores de Asturies. Nesti apurrieron los premios a los diez meyores clasificaos demientres los 16 concursos de la lliga que se llevaron a cabu per toa Asturies; y tamién, a la campiona de la categoría xuvenil, que foi Alexandra Castellanos. N’orde de primeru a décimu de la categoría xeneral los gallardonaos fueron: Salvador Ondó, Jeison Franco, Jorge Vargas, Wilkin Aquiles, Jonathan Trabanco, Pablo Alvarez, Abraham Castellanos, Pablo Suárez, Marcos Ramos y Alberto Truchado.

L’actu foi presentáu por Enrique To, coordinador del Campionatu y tamién participaron Natalia Menéndez, presidenta de l’Asociación d’Echaores d’Asturies, Jesús Casas, direutor xeneral de Mediu Rural y Agroalimentación;  Tino Cortina, presidente del CRDOP Sidre d’Asturies; un representante de Caxa Rural d’Asturies, Alejandro Vega, alcalde de Villaviciosa; Juan Canal, alcalde de Nava; Riogelio Pando, alcalde de Colunga y presidente de la Mancomunidá de la Contorna de la Sidre; Aitor García, alcalde de Bimenes; y Amparo Antuña, alcaldesa de Noreña.

Na entrega premios tamién qunixo reconocese a los chigres que sofiten estos concursos, d’ende que se-yos apurriera un diploma a Los Mallu, Fonte Villoria, Manolo Jalín, Sidrería Alberto y La Ballera. Darréu, foi’l momentu de faer entrega del galalrdón a Alexandra Castellanos, una pequeña que col so exemplu demuestra l’interés qu’esiste ente les neñes y neños por siguir con esti arte asturianu. Na postrer parte del actu los echaores profesionales fueron los protagonistes, asina, ún por ún pasó a recoyer el so premiu ante l’aplausu del públicu asistente. Finalmente, la entrega de premios cerrar con una espicha n’el mesmu muséu onde tol mundu pudo esfrutar d’un ricu pinchéu acompañáu, qué tanto, de sidre DOP bien, perbién echao.