El Sidracrucis ye una esperiencia única que combina tradición, humor y devoción sidrera. Inspiráu nes estaciones de semana santa, converties nun percorríu festivu, los participantes visiten llagares, chigres y espiches a lo llargo del día, creando un ambiente d’hermandá onde la cultura sidrera ye’l verdaderu centru. Col pasu de los años, convirtióse nun ritual imprescindible pa munchos aficionaos qu’enllenen les places, necesariamente reducies por cuestiones d’aforu.
El programa d’esti añu arranca a les 12 del mediudía nel llocal de LA SIDRA, onde se celebrará l’aconceyamientu inicial. Ellí va facese’l repartu de camisetes ya identificadores, amás d’un repasu de les normes de participación. Nun va faltar tampocu unu de los momentos más carauterísticos: la práctica del himnu oficial del Sidracrucis, “Xermanín”, que marca l’espíritu festivu de la xornada.
A partir de les 12:30, el percorríu entama en Xixón con una ruta por dalgunes de les sidreríes más conocíes de la ciudá, como El Chaflán, La Montera Picona de Ramón y Casa Juan, hasta les 14:00. De siguío, los participantes van dir esfrutar d’una xinta y espicha dientro de la Primer Sidre l’Añu, un de los grandes eventos sidreros d’Asturies, onde se pue tastiar la sidre nuevo de la temporada.
La tarde continuará con una visita al Llagar Sidra Germán -Meyor Primer Sidre l’Añu-, ente les 16:30 y les 18:00, pa conocer de cerca’l procesu d’ellaboración y siguir afondando na cultura sidrera. Dempués, el Sidracrucis treslladaráse a Avilés, onde de 18:00 a 20:00 los asistentes percorrerán establecimientos como Casa Germán, Yumay, La Ruta y La Estación.
El final de la xornada llegará con una apoteósica espicha en Sidrería El Mallu Avilés, ente les 20:00 y les 22:00, poniendo’l ramu a un día intensu onde la sidre, la música y la folixa van ser los grandes protagonistes.
¡Sidrifica les fiestes!
