Formación n’esperiencies sidraturístiques

Güei arrinca l’acción formativa “Desendolcu de Servicios d’Esperiencies Sidraturístiques”, un apueste per parte del Club de Productu Sidraturismu al traviés de les ayudes para acciones de Reskilling & Upskilling pa la formación de cualificación de la población activa y colleutivos d’especial vulnerabilidá, nel marcu del plan de recuperanza, tresformamientu y resiliencia.

LA SIDRA.-  Un cursu gratuitu que se va desendolcar fasta’l prósimu 14 d’avientu, nel salón d’actos de la Sala Polivalente de Cultura de Loreto, en Colunga y que busca’l propósitu de formar a persones comenenciudes na capacitación y profesionalización rellacionada col desendolcu d’esperiencies nel ámbitu de la Sidre d’Asturies y la so cultura acomuñada. Esta formación ye la primera n’impartise en dicha materia, y para ello cúntase con dellos formadores espertos n’aniciu de productos turísticos, desendolcu rural, turísticu y patrimoniu cultural, asina como temática enfocada a les visites guiaes, protocolu, atención al veceru o producción de mazana, pumaraes y tasties/degustaciones como recursos, ente otros aspeutos. Van cuntar con una visita técnica pa potenciar les sos conocencies y ver “in situ” l’aprovechamientu de los recursos acomuñaos a la nuesa bébora más identitario.

Ana Soberón, vicepresidenta del Club de Productu Sidraturismo Asturies, tuvo unas palabres pa les alumnes, estimando la so participación y dexando claro que dende esti Club de Productu pretende escorrese la excelencia y calidá en redol a la nuesa bébora por excelencia, y pa ello ve preciso la formación, considera que ye una oportunidá pa tou aquel que quiera empecipiar una nueva actividá de rellacionada cola sidre y/o cultura sidrera, cuntando con xente esperto na materia que pueda asesorar y empobinar a la de ponelo en marcha. Pel so llau, José Ángel Toyos, alcalde de Colunga, estimó l’enfotu del C.P. Sidraturismu Asturies por realizar dicha actividá nel conceyu de Colunga, un de los conceyos de la Contorna de la Sidre y venceyáu al mundu sidreru; considera qu’hai qu’apostar por ello, por una cultura sidrera bien nuesa y que dende’l so conceyu intenten collaborar y participar nes distintes actividaes acomuñaes a dicha cultura que van surdiendo.

Axúntase dalguna semeya impartiendo’l cursu, como de grupu coles participantes, Luis Baldó, un de el formadores d’esta acción formativa, José Ángel Toyos, alcalde de Colunga, Mª Montserrat Barbes, conceyala de Colunga y Ana Soberón, vicepresidenta del C.P. Sidraturismu Asturies.