La Fuyeca, tradición en ca bocáu

¿Fartucos de platos previsibles y menús fotocopiaos qu’ufren lo mesmo perdayuri? Equí, una propuesta orixinal.

El primer encamientu que vos facemos ye dexavos llevar polo que vos diga’l personal que rexenta y atiende La Fuyeca, ellos saben de lo que falen. De nun ser por ellos podríemos pasar per alto esta riquísima carne gobernao endolcao en berces, una receta de calter fondamente tradicional pero sicasí bien poco conocía, que nos permite salir del -per otra parte bien rico- cachopu y fabada.

Xugoso y saborguioso, cola proporción esauta de pimentón pa qu’acompangue’l sabor ya potente de les berces y la carne, pero ensin qu’afuegue o repune.

Lo mesmo podemos decir del segundu platu, una ración de fégadu de cabritu encebollao, nin demasiao fecho que sangre nin tan fecho que quede seco y tamién col pimentón al puntu, acompangao de patates.

Dos delicies que s’esfruten más si, como nesti casu, vienen acompañaes d’unes bones botelles de sidre, del Llagar de Menéndez. Eso sí, la sidre, con echaor llétricu de mesa.

Restorán LA FUYECA. Av. Carretera del Puertu 36. Balmonte. T. 985 762 338