“La sidre ye una riqueza en cadena”

Justo García compaxina’l trabayu como propietariu del Yumay, una de les sidreríes avilesines de mayor sonadía, col so llabor al mandu de la Confradería de Gastrónomos del Yumay, dos coses que, como indica elli, coinciden y compleméntense

¿Cuála ye la hestoria del Yumay?

Esto abrió nel añu 75 como una cervecería, pero nel añu 75 abrir una cervecería nun barriu d’Avilés yera como llevar xelu al desiertu… conocíase la cerveza La Águila Negra y poco más. Nun había consumu de cerveza, nun había cultura de cerveza, nun había costume como n’otros llaos. Nel mesmu añu 76 yá hebio una reforma, y pasemos a sidrería y ende empezó tou.

El Yumay va cumplir 50 años el 27 de marzu, daqué vamos faer pero entá nun teo claro qué.

A esti establecimientu distínguelu’l so compromisu cola gastronomía. ¿Qué mos cuntes de la vuesa cocina?

Nós tenemos una cocina rexonal bien tradicional, con dellos toques moderno y una carta bien amplia. El nuesu fuerte son los arroces, tenemos una carta con selce variedaes distintes, tamién tenemos los pexes y mariscos, pero amás carnes al caricote, los embutíos con marques bien reconocíes, y dempués trabayamos enforma la cuyar, un pocu de too.

Los postreros años diomos enforma puxu’l tener una guisandera na casa.

Yo creo que l’equipu de cocina del Yumay foi la suerte más grande que pudimos tener, son una garantía total, unes cocineres que van preparándose de cutio, colos toques que lleva la cocina y los años que lleven. Cuando llega daquién nuevu a aiudar enséñase-y y ye siempres la mesma llínia de cocina.

LLEER ENTREVISTA COMPLETA EN LA SIDRA 250