Nun ye namás la sidre asturiano, tamién el vinu Cangas

Dende esti mediu de comunicación venimos denunciando dende cuantayá la situación de marxinación que carez la sidre asturiano, pero non solo ye la sidre, el vinu de Cangas ta nuna situación bien asemeyada.

LA SIDRA.- L’artículu del reconocíu David Castañón, bologguer de les fartures.com, espublizáu n’Infoasturies.com, dexa perbien espeyao que la discriminación que carez la sidre asturiano dase tamién pal vinu asturianu. Non solo porque’l “Principado” tamién los escluya a la hora de los sos brindes oficiales -namás con vinu español, nin sidre, nin vinu asturianu-, sinon porque’l Ministeriu d’Agricultura y Pesca español los desdexa y discrimina frente a los vinos españoles, too ello col silenciu cómpliz del gobiernu del “Principado”.

Un artículu qu’hai que lleer, y del qu’apuntamos namás un parrafín que ye toa una llamada a la esperanza y al trabayu bien fechu:  “Mientres, los nuesos héroes de Cangas, escaecíos pol so Ministeriu, pola so Xunta Xeneral y pela mayoría d’asturianos y españoles, siguen testerones bregando pela so reconocencia. Esti mes, Bodega Vidas algamó’l mercáu xaponés (y dende 2013 ta nos EEXX); Vitheras Blancu apaez ente los 5 meyores vinos recomendaos pa sorprender nes fiestes navidiegues d’El País; Monasterio de Corias siguen apecuñando premios pol so Escolinas Monovarietal Carrasquín, y CienMontañas Carrasquín quedó sextu nos prestixosos Decanter Awards pente 92 vinos atlánticos.”