La Gran Aventura de David Santiso convierte Avilés nun escenariu de misteriu y humor onde beber un culín llega a camudar la manera na que’l xugador percibe’l mundu.
LA SIDRA.- La sidre tien munchos usos, pero convertise nuna mecánica d’un videoxuegu ye, probablemente, ún de los más inesperaos.
La Gran Aventura de David Santiso, disponible en Steam, ye una aventura gráfica ambientada n’Avilés que bebe directamente de clásicos del xéneru como Monkey Island, pero lleva’l mundu del misteriu y del humor a escenarios perfectamente reconocibles de la villa.
Galiana, l’Ayuntamientu, el campusantu o’l Niemeyer formen parte d’un mapa nel que la estética combina referentes de la animación popular cola sátira y los misterios paranormales.
Y equí entra la sidre.
Nel xuegu, beber un culín funciona como una especie de portal sensorial: la imaxe cambia y el personaxe puede percibir durante un tiempu elementos y figures que nun apaecen nel mundu habitual.
La aventura utiliza esta mecánica pa introducir situaciones deliberadamente absurdes y personaxes venceyaos a la cultura popular y al mundu del misteriu.
El resultáu ye una visión reconocible d’Avilés reinterpretada dende l’humor.
La sidre, una vegada más, acaba apareciendo onde menos s’espera.
Hasta nun videoxuegu.
