El ‘Principado’ aprobó le bases d’una nueva llinia d’ayudes pa llagares tradicionales, espublizaes nel BOPA el 30 d’abril de 2026 . La midía busca protexer esti padremuñu clave de la cultura sidrera, pero llega con importantes indefiniciones.
LA SIDRA.- Les subvenciones van dir destinaes a restaurar prenses tradicionales y edificios venceyaos a la producción de sidre. Fasta equí, una reivindicación histórica del sector.
El problema ye que les bases nun concreten lo más importante: nin cuánto dineru se va destinar nin qué porcentaxe de los proyeutos se va cubrir . Too eso queda pa futures convocatories.
Tampoco nun hai fecha concreta pa solicitar les ayudes. Namás se sabe que’l plazu va ser curtiu: ente 15 díes naturales y 20 díes hábiles de magar la espublización de la convocatoria.
Amás, la concesión va depender d’un sistema de puntuación que prioriza la singularidá patrimonial y la calidá téunica del proyeutu. Ello podría dexar fuera llagares más modestos o con menos medios pa presentar proyeutos ellaboraos.
En resume: anúnciense nueves ayudes, pero ensin concreción económica nin facilidaes clares d’accesu. La so utilidá real va depender de cómo se diseñen les convocatories que tán por venir.
