Cancios de Chigre en La Pola Sieru

La décima edición cellebraráse’l 5 y 6 de febreru y cuntará cola participación de quince coriquinos.

LA SIDRA.- Entamada por l’asociación cultural Amigos del Roble y col sofitu d’el Comercio, el prósimu 5 febreru, coincidiendo con Les Comadrines, cellebraráse en Sieru la décima edición de Cancios de chigre.

De los 15 coriquinos diez d’ellos son de collaciones sierenses, comu La Pola, La Carrera, Llieres, Samartino y Anes, de fuera del conceyu repitel Coru Errante de la Comarca la Sidre, y la Capía de Vargas, de l’Asturies de Santillana, y que vien participando dende la primer edición, y los nuevos son la Peña Roballera, de Cuideiru, Vezos Asturies, d’Uviéu, y Amigos de Xixón, asina comu Tornabaxu, el nueu coriquín d’Amigos del Roble.

El certame d’esti añu homenaxea al escritor y folclorista asturianu, Aurelio del Llano, y los cancioneros que se repartirán de valdre pelos chigres coles lletres de los canicos, recordarán a Gregorio Fonseca, miembru d’Amigos del Roble que morrió nel pasáu mes d’ochobre.

El 5 febreru sedrá la xornada oficial, repartiéndose chigres y coriquinos comu vien darréu:

Tertulias y bares asignados. Amigos de Xixón (El Pumarín), El Ventolín (El Fogón de Pilar), Agrupación Solvay (Manolo Jalín), Errante (El Madreñeru), Peña Roballera (La Madreñería), Tornabaxu (Cuévano), Vezos Astures (El Parque), Pensionistas El Berrón 1 (Peñamayor), Coro Samartino (Otero), La Capia (La Teya), Pensionistas El Berrón 2 (Entrecalles), Bandina de Cuerda (Maracaibo), Ñervatos (El Polesu), Santa Apolonia (Paco) y Peña Careses (La Gradia).

Y el 6 sedrá una xornada más abierta, na que se llama a la participación xeneralizada pelos chigres.

sidre, sidra, sidro, cider, cidre, sagardoa, Apfelwein, Píngguǒ jiǔ, cidro, siideri, seidr, leann úll, Saidā, sider, jablečné víno, jabłecznik, sydr