Inicio > Cultura sidrera > Ésitu del taller d’echar sidre

Ésitu del taller d’echar sidre

Entamáu pol Clú de LA SIDRA, cellébrase los penúltimos xueves de ca mes na Sidrería La Montera Picona de Ramón

LA SIDRA.- El segundu taller d’echar sidre foi un ésitu tantu de participación como de resultaos. Empobináu por Abraham Castellanos (Sidrería Fonte Villoria) y Alejandra Venegas (Sidrería La Montera Picona de Ramón), estableció estremaos niveles de formación: Aniciu, Mediu y Altu.

El taller, con conteníu teóricu, pero sobro tou práuticu entamó echando augua, y acabó echando sidre, pero con un aliciente perespecial, y ye que na postrer media hora féxose un concursu ente los participantes, ún de nivel aniciu y otru mediu-altu, con premiu pal primeru d’una cena pa dos presones na Sidrería Fonte Villoria, y pal segundu lo mesmo, pero na Sidrería La Montera Picona de Ramón, el primeru ganólu Velia y el segundu Jose Ramón -escusamos nun poner los apellíos-

La esperiencia resultó perafayaíza, y  yá tamos camentando nel prósimu taller, eso sí, con places llimitaes, porque sinon nun hai quien revuelva!

Estos talleres tan entamaos pola Fundación Asturies XXI, y el Clú de LA SIDRA, col sofitu de La Montera Picona de Ramón, LA FMCEYUP del Ayuntamientu Xixón, y la collaboración de Sidra Menéndez, l’Asociación d’echaores y la revista LA SIDRA.

VER SEMEYES (David Aguilar)

(Visited 3.074.103 times)