Muncha sidre nel Festival Intercélticu d’An Oriant

La sidre tamién tien el so protagonismu nesti festival intercélticu

LA SIDRA.- Añu ente añu los productos protagonistes en An Oriant son los productor tradicionales de Bretaña: los embutíos, les ostres del golfu de Morbihan, les freses de Plougastel, los kouign amann o pasteles bretones y por supuestu, la sidrE, ya seya natural o cuvée, tan típica de les creperíes.

Breizh ufre una bayurosa variedá de productos tradicionales que sirven d’escaparate y de presentación d’esti país celta dientro’l festival. La sidre siempres presente na cultura bretona apaez perdayuri, yá seya en puestinos de productores llocales, representando a modernos llagares o cenciellamente nos centros comerciales d’alrodiu.

Ye bultable especialmente la cantidá de variedaes destremaes que puen atopase ensin salir d’un bar o d’una cai con puestos de productores, siendo’l más apreciáu’l chouchenn o sidromiel bretón.

Apaecen tamién les asociaciones de llagareros y productores bretones, que faen d’anunciu de la cultura sidrera de la rodalada, dando a conocer asina la cultura de la sidra bretona pente tolos visitantes internacionales.