XXV aniversariu de les embaxaores de la sidra

El Clú Patín Xixón Solimar, que compite col nome de Telecable Xixón, cellebrólo sacando  un llote especial de Sidra El Carrascu, la DOP de Sidra Acebal

LA SIDRA.- El pasáu día 17 d’Agostu, na Sidrería Río Astur, cellebróse un de los actos colos que’l Clú Patín Xixón Solimar, güei llamáu Telecable Jockey Clú quier comemorar el so 25 Aniversariu.      

       Dichu actu cuntó cola collaboración del Conseyu Regulador de la Denominación de la Sidre d’Asturies y del llagar Sidra Acebal y consistió na presentación de la etiqueta que d’equí p’arriba va llevar la sidre DOP “El Carrascu”  y que comemora esos 25 años d’hestoria del yá hestóricu Cúb de Jockey xixonés.

       Tuvieron presentes, en representación del Clú, el so entrenador Fernando Sierra y les xugadores Marta Piquero, Sara Roces y Natasha Llee, Pol Conseyu Regulador de la Denominación d’Orixe Protexía Sidre d’Asturies el xerente Daniel Ruiz, Adolfo Rubio, del llagar de Sidra Acebal. El Grupu de Colleicionismu Sidreru “Sidrastur” tuvo representáu pol so Presidente Raúl Moro, acompangáu de los socios Javier San José y José Ángel Argüelles. Tamién tuvo presente una representación de la Confradería de los Siceratores de Nava.

           L’entrenaor del Club, n’ausencia del Presidente, fixo especial fincapié na bien recién decisión de la Federación Europea de Hochey concediéra-yos una invitación pa participar na próxima Copa d’Europa, asina comu la llarga trayeutoria d’ésitos esportivos algamaos demientres éstos 25 años. Siñaló igualmente qu’acullá onde viaxen, tantu l’equipu como los aficionaos que los siguen siempres dexen presente la so asturianía y la so especial simbiosis cola sidre asturiano, de la que 

ye “embaxador”: estimó la estrencha collaboración que caltienen va munchos años la sidre Acebal y el Clú.

       Pela so parte el xerente de Conseyu Regulador de la DOP, Daniel Ruiz, insistió na importancia que pal seutor sidreru tien la sidre DOP, que garantiza la calidá de la sidra asturiano y qu’añu tres d’añu ve como xorrez el so consumu.

       Finalmente’l Conceyal d’Actividá Física, Esporte y Distritu Rural del Conceyu de Xixón, José Ramón Tuero, repito’l sofitu del Conceyu de Xixón al agora Telecable H.oquei Club, al que calificó como “gran embaxador de Xixón”, pa que la prósima final de la Copa d’Europa se cellebre en Xixón, que nun pudo cellebrase esti añu por mor del andanciu, o tamién un tornéu de gran rellevancia y destacó esa simbiosis ente’l Club Solimar y la sidre asturiano, que lleva per toa España y Europa. Felicitó al Club pola idega d’afigurar nuna etiqueta de sidre esos 25 años d’hestoria y anunció pa finales d’añu la cellebración d’una esposición de la hestoria del Club.

       El comentariu xeneral de tolos presentes foi’l de poner en valor la xunión ente l’esporte y la cultura asturiana, de la que la sidre forma parte como bien inmaterial.

RAUL MORO