Inicio > Cultura sidrera > Yá ta na cai LA SIDRA de payares, con César Suárez Junco en portada

Yá ta na cai LA SIDRA de payares, con César Suárez Junco en portada

LA SIDRA 271 de payares de 2026, con César Suárez Junco en portada. Yá na cai y en PDF de baldre per WhatsApp.

El númberu 271 de LA SIDRA yá ta na cai. César Suárez Junco protagoniza la portada de payares, nuna semeya de Llucía Fernández. La edición en papel cuesta 5 € y puedes recibir les 96 páxines en PDF de baldre per WhatsApp.

Cómo recibir el PDF de baldre

Manda un WhatsApp al +34 652 594 983. Escribi AS si quies recibir la información n’asturianu o ES si la prefieres en castellán. Escueyi la opción que quieras y unvia’l mensaxe que yá apaez escritu al abrir WhatsApp.

Apuntame n’asturianu (AS) · Apuntame en castellán (ES)

Del mostrador de Crivencar a les sidreríes Tierra Astur

A finales de los años setenta, César Suárez Junco llevaba a Uviéu quesos y otros productos del campu asturianu. Na entrevista que s’abre na páxina 9, el fundador de Crivencar y Tierra Astur recuerda aquel mostrador de Santa Susana y esplica qué mira güei nun echaor de les sos sidreríes. Amás d’acertar col culín, hai que conocer la sidre y saber presenta-yla a quien la pide.

La sidre de xelu, los premios y una mesa en Nava

Na páxina 20 conozse la etiqueta que va identificar la sidre de xelu con DOP. Siguimos colos doce llagares asturianos que consiguieron 21 distinciones nos Premios SISGA 2026. Y na páxina 28 sentámonos con Xuaquín Menéndez en La Naveta, onde la tastia de nueve sidres d’ocho procedencies permitió comparar, ente otres, una sidre de mazana reineta de Gran Canaria y otra de la variedá xaponesa Gunma Meigetsu.

Una botella en 1870 y un llagar nel patiu

Una botella de sidre nun retratu de 1870 ye’l puntu de partida del reportaxe sobre la esposición de la emigración asturiana en Bimenes. Más alantre, nos Sidrocoles de la Fundación Asturies XXI, ye la reciella la que llava, maya y prensa la mazana. Más de mil escolinos participaron yá nos talleres. El númberu recueye tamién la victoria de Marcos Rodríguez y Montse García nel Memorial Mundo Collada de sidre casero.

(Visited 3.680.406 times)
Redacción LA SIDRA
Redacción de LA SIDRA, revista especializada na cultura de la sidre. Publicamos noticies y reportaxes sobre llagares, gastronomía y actualidá sidrera asturiana y internacional.
https://www.lasidra.net